OZOCOgz

O sábado 15 de xuño (2019) entregamos os premios ás gañadoras da 7ª edición do concurso de micro-relatos OZOCOgz.

Celebrouse o acto no ApartHotel Arenteiro da vila do Carballiño ao que asistiron máis de medio cento da amigas e amigos, que quixeron compartir con nós unha xornada dedicada á cultura e á reivindicación.

Os premios, como xa temos dito nesta mesma web, foron para:

Finalista e gañadora dun diploma e agasallo de OZOCOgz, un lote de libros e un obsequio artesanal feito polos usuarios de ASPADISI para Susana Villamor Prieto, polo micro-relato ADEUS MANUEL. Fixéronlle entrega dos agasallos a poeta Rochi Nóvoa, Fernando Miranda (librería Miranda de Bueu) e Roberto en nome de ASPADISI.

1º premio e gañadora dun diploma e agasallo de OZOCOgz, un vale por unha fin de semana no ApartHotel Arenteiro, un lote de libros e un obsequio artesanal feito polos usuarios de ASPADISI, para Concha López Fernández, polo micro-relato MULLER AZUL. Fixéronlle entrega dos agasallos un representante do Apa…

Día das Letras Galegas 2019
Xa temos relatos gañador e finalista no VII Concurso de micro-relatos OZOCOgz.
Unha vez lidos, entregada a puntuación e feita a media correspondente da totalidade dos micro-relatos presentados a concurso polos/as membros do xurado e actuando como fedatario Eladino Cabanelas, en representación de OZOCOgz, resultaron gañador e finalista os seguintes relatos: 1º premio e gañador dun agasallo de OZOCOgz e un vale, obsequio de Aparthotel Arenteiro do Carballiño, por unha ESCAPADA RELAX GALICIA, para dúas persoas, para o micro-relato MULLER AZUL, presentado co seudónimo XOANIÑA, baixo o que se agochaba o nome de Concha López Fernández.
Finalista e gañadora dun agasallo de OZOCOgz e un lote de libros doado pola Deputación de Ourense, o micro-relato ADEUS MANUEL, presentado co seudónimo O CELME, baixo o que se agochaba o nome de Susana Villamor Prieto.
Parabéns ás gañadoras!!!!!
*******************************************************
MICRO-RELATO NÚM. 2 MULLER AZUL por: Xoa…

AGASALLO OZOQUEIRO para docentes!

Coma todos os anos, dende OZOCOgz queremos facer a nosa particular homenaxe ao persoeiro ao que se lle dedica o Día das Letras Galegas. 

Quen queirades tendes ao voso dispor carautas coas que traballar na aula. Só tendes que clicar nas ligazóns seguintes e descargalas.

Agradecemos moitísimo que nos mandedes algunha fotiño co traballo realizado.

https://drive.google.com/open?id=1VfKXm0tOcv6rkniCFxXR0WPGMHmNdKZe
https://drive.google.com/open?id=11B4S0VLlNxMFECwRC415WeEXOypLJ6jy

OZOCOgz deseño galego, unha empresa galega 100%, na que apostamos con firmeza pola difusión da nosa cultura e da nosa lingua. O ano que rematou sacamos á venda a nosa nova liña de traballo co xogo de mesa cultural - educativo, TI NON ES DE AQUÍ?, xogo ao que moitos medios de comunicación deron en chamar "o trivial galego". Temos que recoñecer que a acollida foi moi boa, por eses medios de comunicación e, o que é máis importante, polo público en xeral, acadando na CULTURGAL 2018 un número de vendas importantísimo. As librarías do país tamén se fixeron eco, sendo tamén neste caso, un dos agasallos máis escollidos o Nadal pasado. 
Nas seguintes ligazóns pódese ver a acollida por parte de algúns deses medios de comunicación: 
- La Voz de Galicia - Sermos Galiza  - Diario de Pontevedra - TVG

Se conseguimos interesarte/-vos no noso xogo, temos unha oferta especial para o teu Centro de Ensino. 
Por tan só 29,90 €máis os custes de envío (o PVP na nosa tenda en liña ou en calquera das lib…

Xa está en marcha a 7ª edición do noso concurso de micro-relatos. 
Para ires recibindo información puntual do concurso podes seguilo dende o evento creado en facebook:

https://www.facebook.com/events/535003687021466/

Este ano o xurado de honra está formado por:

Ana Cabaleiro


Cruz Martínez



Tamara Andrés



e Lucía Rodríguez, gañadora da anterior edición do concurso  

Colaboran:
Aparthotel Arenteiro co obsequio do 1º premio


A Deputación de Ourense co obsequio do lote de libros
e as librarías que completan o xurado do concurso:

Escolma, do Carballiño
Miranda, de Bueu

Andel, de Vigo

A CANDELORIA E SAN VALENTÍN, DÚAS DATAS PARA O AMOR NA GALIZA
O 2 de febreiro é o día da Candeloria, o día do amor nos antigos costumes galegos. Dise que é o día no que casan os paxariños.
Neste mundo tan globalizado, na Galiza tamén se adoita celebrar o Día dos Namorados e Namoradas o 14 de febreiro, polo San Valentín. Mais este día 2, en que casan os paxariños, tamén é unha data ben axeitada e bonita para celebrarmos o amor e sorprendermos á nosa parella cun bonito agasallo. Ben seguro que non o espera.
Que che parece cunha camisola ozoqueira, un caderno reivindicativo ou o xogo de mesa no que ser galeg@ está cheo de vantaxes?
O Día da Candeloria é o propio DÍA DO AMOR segundo a tradición galega. Vai un artigo moi interesante que roubamos descaradamente ;) da web galicia.swred.com sobre esta festividade de fondas raigames celtas.
----
A CANDELORIA, A FESTA DA LUZ
A festa da luz e día do amor nos antigos costumes galegos
A Candeloria é unha festa relixiosa que se c…