OZOCOgz máis un ano na CULTURGAL

OZOCOgz máis un ano na CULTURGAL

Os días 30 de Novembro (sexta-feira), 1 (sábado) e 2 (domingo) de Decembro de 2018 no Pazo da Cultura de Pontevedra

Este ano estaremos con moitas novidades e estreas como as novas camisolas unisex QUE NUGALLA!, as camisolas para bebés da LAGARTIÑA, novos cadernos como o dedicado a LOIS PEREIRO e o dedicado a SIMONE DE BEAUVOIR e, por suposto, o noso produto estrela para este Nadal, o xogo de mesa TI NON ES DE AQUÍ?

Por certo, que o sábado día 1 de decembro, formando parte da programación oficial da Feira, no Espazo Libro faremos unha presentación oficial do xogo.

Como todos os anos temos de agasallo por mercar e/ou visitar o stand o, xa tradicional marcapáxinas multiusos (calendario, marcapáxinas, regra, Letras Galegas), nesta ocasión dedicado a Antón Fraguas, persoeiro a quen se lle dedica o Día das nosas Letras para o vindeiro ano 2019.

*  *  *

QUE NUGALLA!

Nova camisola unisex

Estreamos novo modelo de camisola en talles de adulto (dende S até 3XL), unha figura icónica do cinema de sempre como Charles Chaplin serviunos de inspiración á hora de deseñar esta camisola que, baixo a desculpa desta expresión tan nosa, pretende homenaxear a figura, sempre actual, deste xenial actor.

A camisola podedes atopala en cores granate ou gris chumbo.

*  *  *

LAGARTIÑA

Nova camisola para bebés

@s máis cativ@s da casa tamén poden estrear este Nadal unha camisoliña ozoqueira. En talles de 12 meses, 2 anos e 3/4 anos e cores laranxa (roxa) e vermella un bonito deseño cunha cantiguiña tradicional:

“LAGARTIÑA, sae da buratiña que che comen a túa hortiña”.

Só a venda na nosa loxa en liña e, por suposto, esta fin de semana na Culturgal 2018.

*  *  *

SIMONE DE BEAUVOIR

Novo caderno ozoqueiro

O caderno que vos presentamos vai dedicado, nesta ocasión, á figura desta grandísima muller, escritora destacadísima do existencialismo e figura fundamental para entender o movemento feminista do pasado século.

Como todos os nosos cadernos, a contracapa leva unha mini biografía da personaxe.