Saltar ao contido principal

Gañador do 2º Concurso de Micro-Relatos OZOCOgz

Por fin, unha vez puntuados por parte do xurado todos os micro-relato presentados á "2ª edición do Concurso de Micro-relatos OZOCOgz", e efectuada a correspondente media coas puntuacións, temos o pracer de declarar que o MICRO-RELATO GAÑADOR é:

CONCERTO DE MAR, presentado a concurso co seudónimo de CORSARIO DE FERRO por PEDRO RIELO LAMELA.

Moitísimos parabéns ao gañador!!!!


"O bisbar do vento sobre os mastros dos barcos soa como unha arpa que toca un músico sen faciana coñecida. Pero hai algo máis: a escuma que no caer das ondas recita versos dun poeta que só figura nos almanaques da memoria. E non é a única música. Alguén está a tocar o piano decididamente, coma un compositor que perdeu a cabeza por un amor contrariado.Ritmo que voga no bruar azul cobalto, mentres que as medusas namoradas bailan ao rente dunha buguina tecendo esculturas de salitre.Hai un náufrago como solista na orquestra do mar. Melodías acompañadas polas notas dos congros que tocan sen necesidade de ollar de esguello o pentagrama apoiado no fondo da area.O piano, seguramente caído dalgún barco, zoupa contra o acantilado do faro, cun repertorio que tan só precisa das mans alongadas das ondas."

Este é Pedro Rielo Lamela, o brillante gañador do noso concurso de micro-relatos:

Nado en Pontevedra en 1972, é un escritor e xornalista galego.
Licenciado en Ciencias da Información pola Universidade Complutense de Madrid, realizou estudos de Xeografía e Historia na Universidade de Santiago de Compostela.

Como xornalista ten colaborado, entre outros medios, no Diario de Pontevedra, El Progreso, A Nosa Terra, La Voz de Galicia, O Correo Galego, Antena 3 TV, Televisión de Galicia e Galicia Hoxe.

Como escritor colaborou con poemas en revistas como Dorna, Microfisuras, Bravú e Barataria.

A súa obra está composta polas seguintes publicacións:
"Illado na incerteza", 2002, Espiral Maior. (poesía)
"As palabras furtivas", 2006, Espiral Maior. (poesía)
"Ovidio Murguía", 2004, Xunta de Galicia. (ensaio)

Publicacións populares deste blog

TI NON ES DE AQUÍ? - Un xogo de mesa cultural - educativo, a nova aposta de OZOCOgz papelaría

HABEMUS TENDA!

HABEMUS TENDA!

Si, efectivamente, após estes anos de traballo OZOCOgz dá un pasiño máis e abre tenda "física" cos produtos máis ozoqueiros do mundo.

Como non podía ser doutro xeito abrimos no Carballiño, na nosa vila e, quen sabe? Igual co tempo continuamos na túa vila. Por ganas e ilusión non vai quedar.

Na tenda OZOCOgz deseño galego poderás atopar, ademais e por suposto das nosas creacións, instrumentos tradicionais, arte, artesanía, bixutaría, zocos e música independente galega entre outras cousas, coas que nos une o interese por traballar en "clave" Galiza.

A tenda está na rúa Curros Enríquez número 29, nunha das zonas peonís da vila.

Agardámoste!


8ª edición do concurso de micro-relatos OZOCOgz

Máis un ano poñemos en circulación o noso concurso literario. Podedes ir pensando nun bo relato, desta volta sobre a infancia e, dende o 10 de febreiro até o 30 de abril mandalo.
A temática titulámola INFANCIA. O xurado deste ano está formado pola escritora Berta Dávila, os escritores Celso Sanmartín e Adolfo Caamaño, a (tamén escritora, obviamente) Concha López, e as librarías Cartabón, Escolma, Miranda e Pedreira.
A participación, como todos os anos é a través de facebook.
Este é o evento creado para o concurso: 8 concurso micro-relatos OZOCOgz

BASES 8º concurso micro-relatos OZOCOgz 1. Os micro-relatos deberán estar escritos en lingua galega, podendo empregarse calquera das normativas. Deben ser orixinais, inéditos e non premiados nin presentados en ningún outro concurso ou certame literario. Os autores/as serán responsábeis tanto da autenticidade dos textos como dos seus propios datos. 2. A temática leva como título xenérico INFANCIA. A infancia, a nenez, ese período de tempo que f…