Saltar ao contido principal

Dúas novas tendas colaboradoras!

A familia zoqueira vai medrando! Desde xa, podedes mercar camisolas de OZOCOgz en dous novos establecementos, en dúas novas vilas.



En Lalín, na comarca do Deza, poderedes atopar as nosas camisolas na tenda Mestizaxe, unha tenda de moda e complementos alternativa. Tamén traballan con tattoos, piercings e rastas.
Teñen un horario moi amplo: de luns a venres, de 10.30h a 13.30h e de 17h a 21h; os sábados abren de 10.30h a 14h. 
Está centricamente situada na vila do cocido, na rúa da Igrexa, número 5.




E para a zona de Tabeirós-Terra de Montes tamén temos unha nova tenda onde poderedes atopar os nosos produtos. Na Estrada, a tenda de tecidos Nobelo a Nobelo, agarimosa e acolledora, onde, ademais das nosas camisolas, poderedes atopar todo tipo de complementos e útiles para traballos de costura e confección. Cousas bonitas! Tamén vos axudarán con estas labores se queredes gozar facendo as vosas propias creacións.
A mercería está situada no corazón mesmo da Estrada, na rúa Calvo Sotelo, 38.

-----

Xa non hai escusas! Pasádevos polas nosas tendas colaboradoras e botade un ollo!
Esta é a nosa rede actual, e seguimos ampliando:


Publicacións populares deste blog

TI NON ES DE AQUÍ? - Un xogo de mesa cultural - educativo, a nova aposta de OZOCOgz papelaría

HABEMUS TENDA!

HABEMUS TENDA!

Si, efectivamente, após estes anos de traballo OZOCOgz dá un pasiño máis e abre tenda "física" cos produtos máis ozoqueiros do mundo.

Como non podía ser doutro xeito abrimos no Carballiño, na nosa vila e, quen sabe? Igual co tempo continuamos na túa vila. Por ganas e ilusión non vai quedar.

Na tenda OZOCOgz deseño galego poderás atopar, ademais e por suposto das nosas creacións, instrumentos tradicionais, arte, artesanía, bixutaría, zocos e música independente galega entre outras cousas, coas que nos une o interese por traballar en "clave" Galiza.

A tenda está na rúa Curros Enríquez número 29, nunha das zonas peonís da vila.

Agardámoste!


8ª edición do concurso de micro-relatos OZOCOgz

Máis un ano poñemos en circulación o noso concurso literario. Podedes ir pensando nun bo relato, desta volta sobre a infancia e, dende o 10 de febreiro até o 30 de abril mandalo.
A temática titulámola INFANCIA. O xurado deste ano está formado pola escritora Berta Dávila, os escritores Celso Sanmartín e Adolfo Caamaño, a (tamén escritora, obviamente) Concha López, e as librarías Cartabón, Escolma, Miranda e Pedreira.
A participación, como todos os anos é a través de facebook.
Este é o evento creado para o concurso: 8 concurso micro-relatos OZOCOgz

BASES 8º concurso micro-relatos OZOCOgz 1. Os micro-relatos deberán estar escritos en lingua galega, podendo empregarse calquera das normativas. Deben ser orixinais, inéditos e non premiados nin presentados en ningún outro concurso ou certame literario. Os autores/as serán responsábeis tanto da autenticidade dos textos como dos seus propios datos. 2. A temática leva como título xenérico INFANCIA. A infancia, a nenez, ese período de tempo que f…