Saltar ao contido principal

Publicacións

Mostrando publicacións desta data: 2012

Unha nova tenda colaboradora de OZOCOgz, desta volta en Compostela!

Seguimos ampliando a nosa rede de tendas colaboradoras, intentando achegar os nosos produtos a onde ti te atopas. Desta volta será en Compostela, en plena cidade histórica, onde poderedes atopar camisolas de OZOCOgz nunha tenda con moitísimo encanto. Trátase da tenda De Cotío, onde venden diversidade de produtos de artesanía, pezas de roupa tradicional, agasallos orixinais e divertidos, música, libros e moito máis. E agora tamén os nosos produtos!
Podedes visitar a súa web e a páxina de Facebook de De Cotío, pero se queredes perdervos entre a súa ampla oferta e atopar aquelo que buscades teredes que visitar o seu local, que se atopa na compostelá rúa Xelmírez, no baixo do número 26. O seu telf: 981 560 796
Buscade os nosos produtos en De Cotío!




O agasallo do Apalpador para @s seguidor@s de OZOCOgz

Chegou o Apalpador á nosa web e quixo facernos un agasallo que puidésemos nós regalar ás persoas que nos seguen, en especial a aquelas máis cativeiras da casa.
Aquí vai unha lámina que podedes imprimir e recortar para pasar un bo anaco de divertimento vestindo á nosa nena zoqueira.

Un Nadal de agasallos galegos!

Qué vos parece a nosa Apalpadora particular?
A nena de OZOCOgz prestouse a se vestir de Apalpadora ou Pandigueira porque cómpre encher de humor e boas intencións este mundo no que, por desgraza, priman envexas, xenreiras e egoísmos. 
OZOCOgz deséxavos unhas boas festas. Intentade sacarlles partido e tende sempre presente esa máxima tan galega: NUNCA CHOVEU QUE NON ESCAMPARA.
E... se segue a chover, un bo paraugas, que tamén somos Terra de paragüeiros, non si?



Está próxima a visita do Apalpador (ou da Apalpadora, coma a nosa nena) e como sabedes, o Apalpador é un bo amigo noso (visitounos no noso stand do Culturgal), así que queremos botarlle unha man á hora de escoller os agasallos para estas datas. Agasallos galegos. Para iso, recomendámoslle o fantástico catálogo de Abertos ao Galego, onde se poden atopar diversos produtos cunha liña clara: o emprego e defensa do noso idioma. E, como non podía ser doutro xeito, recomendamos os produtos que aparecen na páxina 12 dese catálogo, os pro…

Xa temos gañadora do 1º concurso semanal de OZOCOgz

Si, amigas e amigos, por fin chegou o agardado día en que se proclamou a persoa gañadora do 1º concurso semanal de OZOCOgz. A persoa que máis preguntas semanais acertou. A constancia e a sabedoría fixeron de Sonia Méndez a receptora do premio dunha camisola do Matraquinho.

Estade atent@s porque dentro de pouco anunciaremos novas actividades de participación con premios á vista. Mentres tanto, Sonia, que goces do teu agasallo. E @s demais, xa sabedes que podedes tamén lucir unha preciosa camisola do Matraquinho, só tendes que mercala na nosa sección de pedidos ou nunha das nosas tendas colaboradoras. Saúde!

Nova tenda colaboradora: O Rincón dos Fíos, no Carballiño

A nosa rede de tendas colaboradoras non para de medrar. Desta volta, un novo punto de venda no Carballiño.
O Rincón dos Fíos é unha coqueta tenda no centro da vila do Arenteiro onde poderedes atopar, entre outras cousas, fermosas pezas de roupa, algo de artesanía e tamén os produtos de OZOCOgz, claro.
Podedes atopar este establecemento na Rúa Tomás Mosquera, Galería Magariños, 10, no local G. Para contactar, o seu teléfono é o 677 169 293 e o seu enderezo de correo electrónico orincondosfios@hotmail.com. Tamén podedes facervos seguidor@s no seu facebook.

Non deixedes de buscar os nosos produtos en calquera da nosa rede de tendas colaboradoras. Mirade na área de pedidos onde tendes a tenda máis próxima.

Novos produtos e unha nova tenda onde mercalos

Os novos produtos de OZOCOgz

Na pasada edición do Culturgal, onde OZOCOgz estivo presente cun stand cargado de deseño galego e moitas sorpresas, sairon á venda dous novos produtos da nosa casa.
O primeiro deles, unha edición de camisolas de manga longa, da serie Humor B&N, con dous modelos distintos, baseados nos grandes clásicos do humor en branco e negro Charles Chaplin e os Irmáns Marx. Tivo esta nova camisola unha grande acollida entre @s visitantes do Culturgal, e agardamos que tamén así sexa para aquelas persoas que visitades a nosa web ou os nosos espazos nas redes sociais.
Outro dos novos produtos foi a bolsa de OZOCOgz, que agasallamos a quen merque dúas camisolas ou máis e que de non ser así pódese mercar por un módico prezo de 2 euriños.


Unha nova tenda colaboradora: Livraria Suévia
Desde o vindeiro día 17 de decembro, contaremos na cidade da Coruña cunha nova tenda colaboradora que nos seus andeis disporá de produtos de OZOCOgz. A Livraria Suévia abrirá as súas portas e…

300 seguidor@s en Facebook!

Vimos de acadar na nosa páxina de Facebook @s 300 seguidor@s e estamos ben contentes. Para unha empresa coma a nosa, nova, que bota a andar nunha época complicada, o feito de que 300 persoas en tan pouco tempo premeran no "gústame" desa rede social é toda unha ledicia. Sobre todo porque significa que as nosas propostas gustan. Mais tamén porque medran as nosas amizades, porque podemos comunicar e facer chegar a esas 300 persoas as nosas inquedanzas e as nosas ideas.
Intentamos que a nosa páxina de Facebook sexa dinámica. Que se poida interactuar. Cada día lanzamos unha proposta nova, unha lembranza, unha chiscadela. Diariamente publicamos un recordatorio da efeméride dese día, algún feito destacado ou que a nós nos parece destacable que sucedera no mesmo día dalgún outro ano xa pasado. Tamén temos en marcha o noso concurso semanal, co que unha das nosas camisolas do Matraquinho será para aquela persoa que acerte máis preguntas. E tamén, claro está, hai un espazo para aquela…

Qué é OZOCOgz?

OZOCOgz quer ofrecer un deseño orixinal e diferente. De onde xorde a idea? OZOCOgz nace após unha primeira experiencia na que o sinxelo afán de sacar uns cartiños extra, nos levou a deseñar a nosa primeira camisola para vendela entre amizades e familiares. O éxito foi tal que deu lugar, non só a pensar en montar unha tenda senón, a crear a nosa primeira liña de produtos baixo o lema "Éche o normal".
Ao tempo que xorde a idea da tenda, xorde o nome da empresa baseado tamén nese primeiro deseño cun zoco, tamanca, chanca, galocho ou como lle chamen na túa zona. Por iso OZOCOgz pretende ser un nome que abranga a identidade galega da empresa máis o espírito comercial da actividade aténdonos ao significado que a palabra zoco ten no mundo árabe.



OZOCOgz quer ser sinónimo de calidade e para iso, á par das características do noso deseño, ofertámosche tamén a nosa seriedade garantindo o cambio do produto no caso de deterioro en orixe ou a devolución do mesmo no caso de non ficares sa…

OZOCOgz no Culturgal

Esta fin de semana (30 de novembro, 1 e 2 de decembro) celébrase en Pontevedra, un ano máis, o Culturgal, a Feira das Industrias Culturais de Galiza. 

Culturgal é unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas e ventás abertas sempre cara á sociedade. Un evento único, de periodicidade anual, que chega á súa quinta edición consolidado como a gran cita das industrias creativas en Galicia.



A Feira das Industrias Culturais de Galicia é moito máis que un encontro profesional. Culturgal é unha romaría á que acoden cada ano miles de persoas para coñecer de primeira man as novidades editoriais, o último en música, o glamour do audiovisual, a maxia das artes escénicas, os avances das novas tecnoloxías e mesmo as propostas máis marxinais en tres días de actividade sen tregua. Tres días de intenso traballo conxunto que convirten tamén a Feira nun lugar de encontro priv…

Buscádenos nas redes sociais!

En OZOCOgz cremos nas redes sociais como ferramentas proveitosas de comunicación. Cada día, miles de persoas acceden a diversos foros e redes sociais para deixar ou recoller información, e iso mesmo fai OZOCOgz cada día, nas diversas redes sociais das que forma parte.

Nestes puntos de encontro virtuais deixamos imaxes gráficas, curiosidades, convocatorias a eventos, e, como non, a nosa propia promoción dos produtos que ofrecemos.

Convidámosvos a pasarvos por estas redes sociais e visitar os nosos espazos. Nomeadamente nas redes sociais galegas Cabozo e Latri.ca. Non vos conformedes con ver o que alí ai, interactuade! Estamos agardando con moito interese as vosas achegas.

Estas son as redes sociais nas que podedes atoparnos:

Redes sociais mundiais:
Facebook
Twitter
Google+

Redes sociais galegas:
Cabozo
Latri.ca

14-N Folga Xeral!

OZOCOgz non traballará o 14 de novembro e convídavos a que fagades o mesmo.

Secundade a greve e as manifestacións que, co gallo da mesma, haxa pola vosa zona.
É máis importante pechar un día para dar un toque de atención aos poderes económicos e gobernos causantes da crise antes de que eles cho dean a ti obrigándote a pechar para sempre.
E se non te sentes ameazad@ bota unha man a quen si o está. Sé solidari@! Só coa solidariedade de tod@s seremos quen de dicir: Basta Xa! e conseguir parar esta situación.



A Pregunta Semanal de OZOCOgz

Desde hai unhas semanas vimos levando a cabo un concurso en Facebook polo que podedes gañar unha camisola do Matraquinho. Participar é ben sinxelo. Só tendes que respostar correctamente cantas máis mellor das preguntas que todos os luns facemos na nosa páxina de Facebook.

Cada semana facemos unha pregunta ben relacionada coas imaxes dos nosos produtos, ben coa cultura galega en xeral. A persoa que máis respostas acerte (se hai máis dunha persoa, farase un sorteo) será a que gañe a camisola do Matraquinho no talle e cor que desexe. Así de simple. As únicas e imprescindibles condicións para participardes no noso concurso son que lle teñandes dado ao "Gústame" na nosa páxina de Facebook e que respostedes ás preguntas só unha vez por semana.

Porqué non vos animades? Inda estades a tempo!


OZOCOgz no Castañazo Rock!

Esta fin de semana, o sábado día 3, celébrase en Chantada a décima edición do Castañazo Rock na súa segunda etapa. E OZOCOgz estará alí, ofrecendo os seus produtos e gozando dun concerto que promete ser memorable: reunir a Diplomáticos, Papaqueixos e Rastreros outra vez, e xuntalos cos Cuchufellos e Liviao de marrao asegura festa!
Mais por se isto fora pouco, haberá tamén actividades lúdico-culturais polo día adiante, botade un ollo ao programa do día na web do festival: http://castanhazo.com
E non esquezades pasar polo noso posto de venda. Non é obrigatorio mercar, podedes simplemente botar un ollo e dar algo de charla, mais se mercades algo porque vos gusta, nós encatand@s!


OZOCOgz

OZOCOgz quer ofrecer un deseño orixinal e diferente. De onde xorde a idea? OZOCOgz nace após unha primeira experiencia na que o sinxelo afán de sacar uns cartiños extra, nos levou a deseñar a nosa primeira camisola para vendela entre amizades e familiares. O éxito foi tal que deu lugar, non só a pensar en montar unha tenda senón, a crear a nosa primeira liña de produtos baixo o lema "Éche o normal".
Ao tempo que xorde a idea da tenda, xorde o nome da empresa baseado tamén nese primeiro deseño cun zoco, tamanca, chanca, galocho ou como lle chamen na túa zona. Por iso OZOCOgz pretende ser un nome que abranga a identidade galega da empresa máis o espírito comercial da actividade aténdonos ao significado que a palabra zoco ten no mundo árabe.



OZOCOgz quer ser sinónimo de calidade e para iso, á par das características do noso deseño, ofertámosche tamén a nosa seriedade garantindo o cambio do produto no caso de deterioro en orixe ou a devolución do mesmo no caso de non ficares sa…

En construción

Estamos construindo o noso trinque. Agárdanos un chisquiño, que logo habemos estar contigo!