Saltar ao contido principal

Publicacións

Pechamos a nosa tenda física temporalmente. Seguimos na nosa loxa en liña e nas redes

Por mor da incidencia do coronavirus, seguindo as indicacións das autoridades, tanto da Xunta de Galiza como do Goberno do estado, vémonos na obriga de pechar temporalmente a nosa tenda do Carballiño. Animamos a todo o mundo a que tamén as siga, é polo ben de tod@s e, canto antes poida ir baixando a incidencia do virus mellor nos irá, no económico e, o máis importante, no fisico.

Mentres tanto podedes seguir mercando a través da nosa tenda en liña* ozocogz-atenda.com
Tamén podes contactar connosco por calquera destas vías, para o que precisares (encargos, preguntas, etc.):
whatsapp: 600 876 196 correo electrónico: ozocogz@gmail.com facebook: https://www.facebook.com/desenho.galego/ instragram: https://www.instagram.com/ozocogz/ twitter: https://twitter.com/OZOCOgz

(*) Agás que por mor de todo isto non prohiban o traballo das empresas de mensaxaría.
Publicacións recentes

8ª edición do concurso de micro-relatos OZOCOgz

Máis un ano poñemos en circulación o noso concurso literario. Podedes ir pensando nun bo relato, desta volta sobre a infancia e, dende o 10 de febreiro até o 30 de abril mandalo.
A temática titulámola INFANCIA. O xurado deste ano está formado pola escritora Berta Dávila, os escritores Celso Sanmartín e Adolfo Caamaño, a (tamén escritora, obviamente) Concha López, e as librarías Cartabón, Escolma, Miranda e Pedreira.
A participación, como todos os anos é a través de facebook.
Este é o evento creado para o concurso: 8 concurso micro-relatos OZOCOgz

BASES 8º concurso micro-relatos OZOCOgz 1. Os micro-relatos deberán estar escritos en lingua galega, podendo empregarse calquera das normativas. Deben ser orixinais, inéditos e non premiados nin presentados en ningún outro concurso ou certame literario. Os autores/as serán responsábeis tanto da autenticidade dos textos como dos seus propios datos. 2. A temática leva como título xenérico INFANCIA. A infancia, a nenez, ese período de tempo que f…

Visita Virtual Tenda OZOCOgz DESEÑO GALEGO no Carballiño

Percorrido interactivo en 360 º pola tenda oficial de OZOCOgz deseño galego.

(Vídeo realizado por Spauria: https://www.youtube.com/channel/UCaHtcOuGvTNZ-KbbtOEpyHg)

Visítanos no Carballiño (Rúa Curros Enríquez, 29).
Goza xa desta experiencia no teu navegador e, se posúes unhas gafas de Realidade Virtual, mergúllate aínda máis na versión dixital do noso comercio.
OZOCOgz somos unha das marcas de deseño galego referente do País, centrados na fabricación e distribución de produtos de papelaría, xogos, textil entre outros 100% galegos.Despois do gran éxito acadado co xogo de mesa TI NON ES DE AQUÍ? e a liña téxtil de camisolas e suadoiros con deseños galegos, o seguinte paso foi abrir a primeira tenda física oficial de OZOCOgz deseño galego, onde ademais das nosas marcas, poderás atopar un amplo abano de produtos de artistas galegos, incluíndo traballos musicais, arte e artesanía.
Tenda oficial en liña: https://ozocogz-atenda.com
Website oficial: www.ozocogz.com

Música do víd…

HABEMUS TENDA!

HABEMUS TENDA!

Si, efectivamente, após estes anos de traballo OZOCOgz dá un pasiño máis e abre tenda "física" cos produtos máis ozoqueiros do mundo.

Como non podía ser doutro xeito abrimos no Carballiño, na nosa vila e, quen sabe? Igual co tempo continuamos na túa vila. Por ganas e ilusión non vai quedar.

Na tenda OZOCOgz deseño galego poderás atopar, ademais e por suposto das nosas creacións, instrumentos tradicionais, arte, artesanía, bixutaría, zocos e música independente galega entre outras cousas, coas que nos une o interese por traballar en "clave" Galiza.

A tenda está na rúa Curros Enríquez número 29, nunha das zonas peonís da vila.

Agardámoste!


TI NON ES DE AQUÍ? Xúnior, continúa a saga!

Acaba de nacer a versión infantil doTI NON ES DE AQUÍ?, o TI NON ES DE AQUÍ? ediciónXúnior, un xogo amplamente demandado, sobre todo entre o sector do ensino, no que -debemos subliñalo e agradecelo- a versión para adultos do xogo tivo e segue a ter unha acollida fantástica.

Vexamos con detemento en que consiste a versión para crianzas:

TI NON ES DE AQUÍ? chega á súa 3ª edición e xa se pode atopar en case medio cento de puntos de venda de Galiza.

TI NON ES DE AQUÍ? chega á súa 3ª edición e xa se pode atopar en case medio cento de puntos de venda de Galiza.

O interese polo TI NON ES DE AQUÍ? non deixa de medrar. Diso dan fe os case 50 puntos de venda e unha terceira edición que xa se está a distribuír dende o mes de xullo deste ano.

Xa se atopa dispoñíbel en todas as cidades (A Coruña, Ferrol, Compostela, Lugo, Ourense, Pontevedra, Vigo e Vilagarcía), e na maioría das grandes -e non tan grandes- vilas do noso País.

Consulta os puntos de venda na seguinte ligazón: Tendas ozoqueiras

Por suposto tamén o podes mercar, coma sempre, na loxa virtual de OZOCOgz, no seguinte enderezo: ozocogz-atenda.com

Adianta xa as compras do Nadal, non vaias ficar sen el.



Entrega dos premios da 7ª edición do noso concurso literario. Unha xornada inesquencíbel!

O sábado 15 de xuño (2019) entregamos os premios ás gañadoras da 7ª edición do concurso de micro-relatos OZOCOgz.

Celebrouse o acto no ApartHotel Arenteiro da vila do Carballiño ao que asistiron máis de medio cento da amigas e amigos, que quixeron compartir con nós unha xornada dedicada á cultura e á reivindicación.

Os premios, como xa temos dito nesta mesma web, foron para:

Finalista e gañadora dun diploma e agasallo de OZOCOgz, un lote de libros e un obsequio artesanal feito polos usuarios de ASPADISI para Susana Villamor Prieto, polo micro-relato ADEUS MANUEL. Fixéronlle entrega dos agasallos a poeta Rochi Nóvoa, Fernando Miranda (librería Miranda de Bueu) e Roberto en nome de ASPADISI.

1º premio e gañadora dun diploma e agasallo de OZOCOgz, un vale por unha fin de semana no ApartHotel Arenteiro, un lote de libros e un obsequio artesanal feito polos usuarios de ASPADISI, para Concha López Fernández, polo micro-relato MULLER AZUL. Fixéronlle entrega dos agasallos un representante do Apa…