O 12 de setembro cumprimos 5 aniños. Celébrao con nós en facebook e podes levar un agasallo ozoqueiro.


O 12 de setembro do 2012 comezamos oficialmente a andaina da nosa marca de deseño. OZOCOgz, que así decidimos chamarnos trala boa acollida da nosa primeira camisola -a camisola do zoco/convértete-, nacía con moitas ilusións mais tamén co medo natural e a incerteza de non saber como nos iría, de preguntarnos canto poderiamos aguantar na “selva do mercado”.

Dende aquela pasaron 5 anos, un lustro de traballo cuxo froito podemos ver na cantidade de produtos ofertados pola nosa tenda, as preto de 20 tendas ozoqueiras (librarías e tendas ao longo de todo o País que confían en nós e venden os nosos produtos), 5 edicións do, cada vez máis coñecido, concurso de micro-relatos e, o máis importante, a nosa introdución nas redes sociais con máis de 2500 amigos e amigas en facebook, a rede da que máis gustamos e mimamos.

imaxe © filosofiaencolmenarejo.wordpress.com
Por tanto coidamos que é o momento de celebralo e para iso queremos premiar a fidelidade da nosa clientela, dos nosos amigos e amigas, e imos facelo cun sorteo de produtos ozoqueiros. Ademais imos facer este sorteo, non o 12, día “oficial” do noso aniversario, senón o 20 para que teñades máis tempo de participar.

Participar? Como?


O sorteo queremos enfocalo para premiar a vosa fidelidade e para iso o primeiro sodes quen nos tedes axudado a medrar mercando algún dos noso produtos. Para iso imos pedirvos que entredes no evento de facebook que creamos para a ocasión (5º aniversario OZOCOgz) e nos enviedes unha fotografía con algún dos nosos produtos (camisola, chapa, caderno...) e, se o tendes a ben, algun textiño felicitándonos (que nos vai encantar ;) ) e tamén que compartades o evento no voso muro, así de doado.


Entre todos e todas os participantes escolleremos (por sorteo) tres gañadores ou gañadoras que recibirán, nesta orde, unha camisola, un libro de micro-relato e unha bolsa de algodón orgánico.


Ánimo, Botádelle un chisquiño de imaxinación e comezade a enviarnos as vosas fotografías ozoqueiras.


Grazas por todo!!!!

Agosto e setembro, novas citas da xira ozoqueira

Velaquí a programación ozoqueira para o que resta de agosto e a primeira quincena do setembro.
Bótalle un ollo e, tanto se andas preto como se buscas algo interesarte onde pasar estes días de verán, non deixes de acudir.
Non deixes de visitarnos!!!
Preme nas imaxes para obteres máis información dos eventos.

https://www.facebook.com/FestidoCastro/?fref=ts  
https://www.facebook.com/XironsaCorvillon/?fref=ts 
https://www.facebook.com/events/165557940650581/?fref=ts 
https://irimegos.wordpress.com/2017/08/12/xl-romaxe-de-crentes-galegos-informacion-practica/


 

OZOCOgz na Semana da Patria... e algo máis.

Estas son as citas ozoqueiras para as vindeiras datas. Bótalle un ollo e visítanos.

A primeira e obrigada está en Compostela, o Día da Patria no Festigal. Isto será o 25 de Xullo, por suposto.

O sábado 29 andaremos por terras de Baltar (Ourense) no Laroucofest, un evento musical que, pouco a pouco vai atopando o seu lugar como festival de referencia na comarca.

O domingo 30 estaremos no Concello da Capela no VI EtnoEume, nunha xornada de reivindicación do noso patrimonio cultural e, sobre todo rural. Por certo, se aínda non coñecedes o marabilloso museo etnográfico deste lugar, este é o día ideal para facelo.

E, por suposto, como xa é unha tradición para nós, OZOCOgz estará en Guitiriz (5 e 6 de agosto) no transcurso do Festival de Pardiñas. Dous días de troula e boa música nunha contorna marabillosa.






Son un toxo arnau. Nova camisola!

Un novo deseño ven de incorporarse á nosa colección.

SON UN TOXO ARNAU, unha camisola en cor branca en talles unisex (S, M, L, XL e XXL) e muller (S, M, L e XL), algodon 160 gramos e coa garantía de calidade de ROLY.

http://ozocogz-atenda.com/index.php?id_product=144&controller=product 

http://ozocogz-atenda.com/index.php?id_product=145&controller=product

Entregados os premios da 5ª edición do noso concurso literario


O sábado 24 de xuño celebrouse no lugar de Pazos de Arenteiro, do concello ourensán de Boborás a entrega de premios ás gañadoras da 5ª edición do Concurso de micro-relato OZOCOgz.



A gañadora do 1º premio, Susana Villamor, recibíu un diploma, vale para a estancia dunha noite na casa de turismo rural Aldea Pazos de Arenteiro, unha camisola OZOCOgz, un lote de libros obsequio da deputación ourensá e un agasallo da asociación de diminuídos psíquicos ASPADISI do Carballiño. Cruz Martínez, finalista, recibíu diploma, unha camisola OZOCOgz, lote de libros obsequio da Deputación de Ourense e agasallo da xente de ASPADISI.


Os premios foron entregados, no caso da finalista, por Fernando Miranda, dono da Libraría Miranda de Bueu e membro do xurado, Roberto, usuario de ASPADISI  e Eladino Cabanelas, responsábel de OZOCOgz. No caso de Susana Villamor, os premios foron entregados por Ramiro Fdez. Padín, dono da casa de turismo rural Aldea Rural Pazos de Arenteiro, Miguel Anxo Fernández, escritor que ven de gañar o Premio Blanco-Amor de novela deste ano, Juan Manuel, usuario de ASPADISI e, tamén Eladino Cabanelas de OZOCOgz.


Antes da entrega houbo un pequeno recital de música e poesía no que interviron Rochi Nóvoa, Quico Valeiras, Alexandre Cabanelas, Dani Soldevilla e Puntxa Rivers.


Perfil das gañadoras:


Susana Villamor. Nada en Vigo, mais residente no Morrazo –en Moaña- dende hai 26 anos, é coidadora dun comedor escolar e, como escritora gañou tamén o Concurso de micro-relatos da Lonxa Literaria de Moaña.


Cruz Martínez. Nada en Armenteira (Meis) é colaboradora habitual de Sermos Galiza e Praza Pública. Gañou o XXII e o XXVI Certame ROSALIA DE CASTRO de poesia cos poemários (Amante tocada pola antropofaxia) decembro-2008 e (Contemplo o proceso inevitábel da despedida) decembro-2012. (Cornellà- Barcelona). E o II Certame de Poesía “MANUEL MARIA” Co conxunto de poemas (O lánguido ocaso dunha dalia) 24 de maio, 2014. (Gipuzkoa).


Tivo unha Mención de Honra no “Concurso Internacional de Cuento breve y Poesía” Homenaje a Manuel Curros Enríquez co poema “Tallo de pedra pendurado na memoria” . 2008-Bos Aires (Argentina).


Conseguiu segundos Prémios no I Certame Terras de Chamoso. (Bosquexo dunha perna que pretende tirar para diante). Lugo-2008. XXIII Certame Feliciano Rolán. (Se cadra, son pequena de máis). A Guarda-2009. III Certame de Poesía “Mulleres do noso tempo” (A palabra xurdiu da dislalia).Cee-2010. VIII Certame Literario Concello de Ames. (Atraídos por un choque de feromonas)-2011. I Certame Literario de poesía e relato curto Xosé Neira Vilas. (A coleccionista de cicatrices) Compostela- 2012


E terceiros premios no Certame Literário e artístico AALF en lingua portuguesa con “Às vezes temo a metamorfose”. Freamunde- Portugal 2003 e no Certame Eduardo Chao con “Aínda son unha amante inconsútil” Vigo-2006.


De esqu. a dta: Fernando Miranda, Juan Manuel, Susana Villamor, Roberto, Miguel Anxo Fernández, Eladino Cabanelas e Cruz Martínez
Actuación de Alexandre Cabanelas, Dani Soldevilla e Puntxa Rivers


Quico Valeiras recitando


Quico acompañado ao saxo por Alexandre Cabanelas

Intervención de Eladino Cabanelas, OZOCOgz

Susana Villamor, gañadora do concurso

Cruz martínez

Fernando Miranda, Susana Villamor, Eladino Cabanelas, Cruz Martínez, Ramiro Fdez. Padín e Miguel Anxo Fernández



En xuño citas importantes de OZOCOgz

Despois de termos estado por terras de Cospeito e do Pereiro de Aguiar, na primeira fin de semana do mes, continuaremos a xira 2017 por Lalín e Agolada.

Mais non son estas as únicas citas ozoqueiras porque o vindeiro sábado 24, en Pazos de Arenteiro (Boborás) imos facer entrega dos premios da V edición do concurso de micro-relato; entrega de premios ao que ficades todos e todas convidados (*).

(*) Se che apetece vir, só/a ou acompañado/a, tan só mándanos recado uns días antes para confirmares a túa/vosa asistencia.


https://www.facebook.com/EiradaXoana/?fref=ts

Vindeiros "bolos" de OZOCOgz na Xira 2017

Narón, Muimenta e O Pereiro de Aguiar son os lugares onde OZOCOgz vai estar presente en vindeiras xornadas.

Todo son eventos onde o esforzo, a vontade e a ilusión dos seus/súas organizadores/as en cambiar as cousas para ben ten a súa parte fundamental. Parabéns a todos e todas eles polo seu traballo e xenerosidade 💕.


O sábado 27 de maio, no CPI do Feal , de Narón desenvolverase a XI edición do Encontro Escolar de Xogos Tradicionais, organizado por Brinquedia, coa colaboración dun gran número de asociacións que traballan día a día pola recuperación e consolidación do xogo/deporte tradicional galego.

Nesta páxina podes consultar quen son estas asociacións: Listaxe na web de Brinquedia.


O sábado 3 de xuño, no recinto feiral Manuel Vila de Muimenta, vaise desenvolver a IX Festa dos xogos tradicionais. Nesta ocasión é XOTRAMU, a asociación do Xogo Tradicional de Muimenta quen organiza esta impresionante festa de convivencia, tradición e hermandade.


O domingo 4 de xuño, da man de Sustinea e coa colaboración do concello, terá lugar o II Ecomercado do Pereiro de Aguiar. Vaise desenvolver na área recreativa de Loñoá entre as 10 da mañá e as 2 e media da tarde.

Parabéns a Sustinea e a todas as asociacións ou grupos que traballan día tras día por facer deste mundo un lugar máis sostíbel, xusto e solidario.



Micro-relatos gañadores da 5ª edición do Cuncurso de micro-relato OZOCOgz



Dia das Letras Galegas 2017

Xa temos relatos gañador e finalista no V Concurso de micro-relatos OZOCOgz.

Unha vez lidos, entregada a puntuación e feita a media correspondente da totalidade dos micro-relatos presentados a concurso polos/as membros do xurado  e actuando como fedatario Eladino Cabanelas, en representación de OZOCOgz, resultaron gañador e finalista os seguintes relatos:

1º premio e gañador dunha camisola OZOCOgz e un vale por unha estancia para dúas persoas por unha noite, con almorzo incluído, na casa de turismo rural Aldea Rural Pazos de Arenteiro, no concello ourensán de Boborás, para o micro-relato UN SUPERHEROE, presentado co seudónimo ARGALLADAS, baixo o que se agochaba o nome de Susana Villamor Prieto.

Finalista e gañadora dunha camisola OZOCOgz e un lote de libros doado pola deputación de Ourense, o micro-relato UM TOPO, UM EVADIDO, presentado co seudónimo DORINDA BLAKE, baixo o que se agochaba o nome de Cruz Martínez.

Parabéns ás gañadoras!!!!! 

* * * * * * * *

1º premio: UN SUPERHEROE 
Por: Susana Villamor Prieto 

Fai uns meses atoparon restos humanos trala tapia da Casa da Cultura, noutrora matadoiro municipal, que resultaron ser do meu pai e doutro veciño da vila. 
Hoxe puxeron unha pedra no lugar cunha placa cos seus nomes. Foi un día de moito rebumbio, ata estivo a televisión. 
Xa na casa acocheime onda meu neto. Preguntoume que lle pasara ao bisavó. 
-Meu pai, díxenlle, era xuíz. Un bo home, benquerido e respetado en toda a contorna. Unha noite na primavera do ano 36 entraron na casa uns gardas de paisano: Es usted el Ilustrísimo Señor Don Luciano Graña? E sen agardar resposta algunha levárono e nono volvemos ver. 
-Matárono? 
-Sí. 
-Pero, porque? replicou o rapaz. 
-Pois... por ser leal ao seu corazón e non permitir endexamais as inxustizas. 
-Guau! Coma un superheroe! exclamou orgulloso. 
…Un superheroe! pensei. Sorprendinme sorrindo. Gustoume. 


 * * * 

Finalista: UM TOPO, UM EVADIDO 
Por: Cruz Martínez 



Ele conserva na retina o triste retrato de Maria depois da ultrajem, é uma rapada da represão. A visibilidade patente da violentação, uma vítima. Custa-lhe superar a situação e Manuel deve estar ausente, inexistente. É um topo, um evadido. 
Só o paporroibo achega-se à claraboia a dar-lhe o breve saúdo, a entoação nostálgica do tempo em que espertava com o sorriso belido da alegria. 
As pegadas inesperadas nas tábuas do chão da sala, fende a sua breve tranquilidade. Ignora quem pode importunar o seu isolamento, pois Maria está com a mãe na aldeia e pensa que está só. Deixa o pão com chouriça na roída tabuinha que lhe serve de mesa, colhe com temor a lanterna, achega-se sigilosamente à pequena abertura de madeira do faiado e observa. 
A celeridade dum projétil atravessa a escuridade da estância e ele cae. 

Novas chapas OZOCOgz

Agora máis grandes!!!!

Chapas OZOCOgz de 56 mm de diámetro.

Bonitos deseños para pequenos mais intensos agasallos.

Aproveita os prezos por lotes:
- 1 unidade 2,50 €
- 2 unidades  4,25 €
- 3 unidades  6,00 €
- 4 unidades  7,50 €
- 5 unidades  9,00 €

Á venda na nosa TENDA ONLINE





Comeza a Xira 2017 de OZOCOgz. En maio estaremos en...

OZOCOgz comeza a súa xira 2017 pateando o país!!!!

Para maio, Vilar de Santos, Sobradelo (Xunqueira de Ambía) e Narón xa teñen confirmada a nosa estadía.

O 7 estaremos acompañando á xente de A Arca da Noe e do Forno Tradicional Faragullas no III MERCADO de Vilar de Santos.
Música, bos alimentos, mercado, boa compañía e moito, moito máis. Non o perdas.



O 13 e o 14 estaremos acompañando a Rochi Nóvoa Vázquez no IV Tangaraño Cultural, un evento cultural de primeira orde e que cada ano se supera a sí mesmo.
Xa sabedes, música, poesía, fotografía, mercado, boa compañía e, até unha procesión te agardan se nos visitas en Sobradelo.


 
O 27 andaremos por Narón acompañando á boa xente que traballa en prol da recuperación do Xogo Tradicional, no XI Encontro Escolar de Xogos Tradicionais.
O noso maior agradecemento a toda esta xente. 


 

OPORTUNIDADES en abril e maio!!!!

Aproveita as nosas ofertas para estas datas!!!

http://ozocogz-atenda.com/index.php?id_category=3&controller=category

O 7 de maio é o Día da Nai e para que o celebres como ela/ti vos merecedes en OZOCOgz temos unha oferta especial. Aprovéitaa. Só até o día 7 de maio e só na nosa tenda online.

http://ozocogz-atenda.com/index.php?id_category=3&controller=category

*  *  *  *  *

http://ozocogz-atenda.com/index.php?id_product=18&controller=product

Para celebrar tanto o Día do Libro (23 de abril) coma o Día das Letras Galegas (17 de maio) temos unha oferta especial para ti. Só na nosa tenda online:

http://ozocogz-atenda.com/index.php?id_product=18&controller=product

OZOCOgz xunto con Miguel Ángel Alonso Diz, autor de "A nena á que non deixaban ser feliz", fixemos esta colaboración pola cal vos ofertamos unha preciosa camiseta cun deseño "fusión" dos dous proxectos, en talles desde 5/6 até 11/12, en tres cores distintas, serigrafiadas por diante e por detrás.







BLUE. Novo punto ozoqueiro no Carballiño




Temos novo punto de venda no Carballiño!

Trátase de BLUE. Unha tenda de roupa de moda situada na rúa María Ana Mogas Fontcuberta, para quen (coma nós) igual non vos soe moito a rúa, está na Praza das Monxas (Irmáns Prieto), na baixada á Praza de Abastos.

Xa sabedes, a partires de xa, Blue tamén significa OZOCOgz!!!

Máis información sobre esta tenda en:

FACEBOOK
INSTAGRAM




Comeza a súa andaina OZOCOgz PAPELARÍA.


Comezamos unha nova liña de produtos que comercializaremos baixo o nome de OZOCOgz PAPELARÍA.
E para principiar, que mellor que facelo a poucas datas do Día de Rosalía (24 de febreiro) cun caderno coa figura da nosa poeta máis emblemática e recoñecida. O caderno ten unhas dimensións de 130x168 mm, 100 follas brancas e encadernación en tapa dura a toda cor (interior e exterior das capas).
Na capa leva un fermoso texto moi reivindicativo, da propia Rosalía, extraído do limiar de "Cantares Gallegos" e na contracapa vai unha pequena biografía da autora padronesa.

"...que a nosa terra é dina de alabanzas,
e que a nosa lingua non é aquela que
bastardean e champurran torpemente
nas máis ilustradísimoas provincias cunha
risa de mofa que, a desir verdade,
demostra a iñorancia máis crasa
i a máis imperdoable inxusticia..."


Na mesma liña e coas mesmas características de materiais e dimensións, sacamos ao mercado outros dous cadernos, un de Alfonso Castelao co texto:

"¿E de que vos valeu?
Porque dispois de máis de catro
séculos de política asimilista,
exercida con toda riqueza de
astucias e violencias,
o noso idioma está vivo.
Sodes, pois, uns
imperialistas fracasados."


... e outro de Manoel Antonio, co texto:

"...falamos galego inda
que seibamos falar ingrés,
beilamos a muiñeira inda
que seibamos o fox-trot,
somos nosos podendo
ser alleos..." 






Estes cadernos xa están ao voso dispor na nosa tenda online: OZOCOgz-ATENDA.COM